Telecentro

Os telecentros forman parte do programa Internet Rural, un programa que ten como obxecto o fomento das tecnoloxias da información e comunicación no medio rural.

Un telecentro é un local de acceso público, habilitado polo Concello, onde se pon a disposición de todos os cidadáns un contorno de acceso gratuíto á Internet en condicións de calidade. Para isto instálase un acceso á Internet de banda ancha, unha rede local sen fios e varios ordenadores e periféricos de uso público.

Os cidadáns poden acceder libremente a este espazo para navegar pola Internet ou facer uso dos ordenadores e periféricos, e ata navegar como convidados desde os seus propios ordenadores portátiles.

Ademais dos terminais de navegación cun software básico de ofimática e gravación, o telecentro está dotado de impresora láser, escáner e webcams.