O vindeiro xoves 24 de decembro, o Valadouro acollerá unha nova edición da Papanoelada Moteira, unha iniciativa que encherá as rúas de ambiente natalicio coa chegada de Papa Noel sobre dúas rodas.
A xornada contará cunha comitiva moteira que percorrerá a vila ata chegar á Praza de Santa María, onde terá lugar a recepción de Papa Noel.
Programa da actividade
📅 Xoves, 24 de decembro de 2026
- 12:00 horas: Saída da comitiva moteira diante do antigo matadoiro.
- 12:30 horas: Recepción de Papa Noel na Praza de Santa María.
- Degustación de churros con chocolate.
Esta actividade contará coa participación do Moto Clube Al Ouro e da AGMG, coa colaboración do Concello do Valadouro.
Unha oportunidade para gozar do ambiente do Nadal e compartir unha mañá especial en familia.
Agardámosvos na Praza de Santa María!