O vindeiro sábado 26 de decembro ás 19:00 horas no Salón de Actos da Casa da Cultura dentro do programa Cultural de Nadal da Deputación de Lugo o Grupo de Teatro Bátega, presenta “O Mundo de Martiña”.
Martiña é unha nena moi curiosa. Non entende porque as súas opinións son menos importantes que as dos adultos, nin por que ten que calar e obedecer sen razón aparente, non entende por que os nenos visten ou xogan de xeito
diferente ás nenas, non sabe cales son os pensamentos impuros, nin tan sequera que é o pecado exactamente. Co tempo, descubrirá que se trataba de ir mudando en muller.
A perspectiva dunha nena pode ser a máis atinada e, sen dúbida, sincera. A través dun monólogo musicado e entreverado de cancións, veremos como se enfronta Martiña á incontrolable paixón adolescente, ao duro mundo laboral e como o seu espíritu crítico e as súas dúbidas respecto do establecido, nunca a abandoarán.
O aforo do Salón de Actos ten limitado o aforo conforme ás normativas para facer fronte á pandemia do COVID-19, se o prefires podes reservar o teu sitio chamando ao 982571516.
